Mund të themi se Vesa Luma është një ndër ato këngëtare që janë rritur në skenë. Që në moshën 5-vjeçare ajo është angazhuar në festivale të ndryshme për fëmijë në Kosovë. Më pas në vitin 2004 kur ajo ishte një adoleshente mori pjesë në ‘Ethet e së premtes’ dhe arriti deri në finale.
Që nga ajo kohë vihet re se Vesa nuk ka ndryshuar aspak në pamje, ka po të njëjtat tipare dhe të njëjtën ëmbëlsi në fytyrë. Pavarësisht se ditën e nesërme ajo do të festojë 32-vjetorin e lindjes, duhet thënë se vazhdon të duket po njëlloj si ajo vajza simpatike e ‘Etheve’. Ajo ka postuar vetë në ‘InstaStory’ një foto ku shihet se kompjuteri i ka kujtuar se nesër është dita e saj e madhe. Gjithashtu duhet thënë se kjo duhet të jetë e ditëlindja e parë e Vesës larg të afërmve të saj, megjithatë ajo ka pranë vetes familjen që çdo femër ëndërron. /revistawho.com
