Edicioni i 9-të i Big Brother Albania ka krijuar shumë kureshtje në publikun shqiptar ende pa filluar falë rregullave strikte që faqja zyrtare bëri të ditur. Mbrëmjen e djeshme ndër të tjera prezantuesja Arbana Osmani njoftoi se banorët single do ishin të ndarë në ambjente të ndryshme, me anë të një xhami, një barrier e cila nuk duhej kaluar. Banorët duhet të njihen më njëri-tjetrin pavarsisht kësaj pengese, për të krijuar më vonë çifte. Por, vetëm pak orë pasi janë futur në shtëpinë e famshme, një nga banorët, Damiano, ka thyer rregullin duke kaluar në ambjentin e vajzave. Kjo është publikuar edhe nga faqja zyrtare e ‘Big Brother’ kështu që do të duhet të presim deri të shtunën e ardhshme nëse ai do të marrë ndonjë dënim.
