Kjo e shtunë vere është një ditë shumë speciale për yllin e muzikës Aurela Gaçe. Ajo sot është e lumtur për motrën e saj, Blertën. Artistja tjetër e familjes e cila përveçse këngëtare është edhe aktore, po arrin më në fund të japë shfaqjen e saj në një vend që çdo artist i botës e ëndërron, në New York-un e madh. Aurela i ka shfaqur të motrës të gjithë dashurinë dhe vlerësimin e saj, duke falenderuar Zotin për këtë arritje të rëndësishme. Urime!
STATUSI I PLOTE I AURELA GAÇES
Sa e lumtur jam për ty motra ime, jeta ime.
Të shoh emrin tënd “Blerta Gaçe” mes aktorëve në këtë teatër në New York, për mua është një ndjesi që s’e përshkruaj dot. Duke ditur sa shumë e doje këtë, duke e ditur sa shumë kërkove e punove, duke e ditur sa mijëra e mijëra aktorë të rinj ka në ato rrugë që kurrë së prekin ëndrrën, duke e ditur sa e egër është bota e artit sidomos në një metropol si i New York-ut (edhe këtu është i njëjti në miniature), kam një çĺirim në shpirt.
Unë e di ç’do të thotë të preket ëndrra prandaj jam kaq e lumtur për ty.
Do të doja të isha aty me ty e të ndjeja çdo emocion ‘live’, të përjetoja diçka që e di mire ç’do të thotë për shpirtin. Të gëzoja me ty ashtu siç ti ke gëzuar për mua. Të do motra shumë…
Faleminderit Zot gjithmonë, edhe në humbje e rrëzime, sepse ato bëjnë njeriun më të fortë, janë mësime për të luftuar më fort./ revistawho.com
