Një ditë më parë, moderatorja e njohur, Elita Rudi festoi ditëlindjen e saj. 26-vjecarja mori urimë të shumta nga fansa, kolesë dhe të afërm, por më i veçanti ishte ai i bashkëshortit të saj, Gjikos. Reperi ishte kujdesur t’i dedikonte asaj fjalët më të ëmbla.
Përveç urimeve, bukuroshja e ekranit nuk ka ngurruar të zbulojë në llogarinë e saj në ‘Instagram’, disa momente nga festa e organizuar mbrëmjen e kaluar midis mikeshave më të ngushta të saj. Ajo çfarë ka rënë në sy ka qenë pamja e kuruar deri në detaje e Elitës, e cila si çdo herë tjetër ka arritur të tërheqë vëmendjen maksimale.
Duke festuar pranë njerëzve më të dashur dhe nën ritmet e këngës më të re nga Gjiko, Elita ka zbuluar se mbrëmjen e kaluar ka vendosur ta kalojë pranë tij. Ajo ka qenë prezente deri në orët e para të mëngjesit në një prej koncerteve të mbajtura nga partneri i saj, në Prishtinë.
Siç duket Rudi ka bërë zgjedhjen më të mirë të mundshme, duke qenë në të njëjtën kohë pranë shoqeve të saj, por dhe bashkëshortit. Më poshtë ju sjellim disa momente nga festa e tyre:/revistawho.com
