Një vit më parë, këngëtarja e njohur Rona Nishliu dhe bashkëshorti i saj u bënë prindër për herë të parë. Sot Noa bën 1 vjeç dhe mami Rona është kujdesur të fiksojë disa momente mjaft të ëmbla pranë së bijës, të cilës i ka ruajur sërish portretin e plotë, duke qenë se ajo është akoma e vogël. Rona i ka kushtuar edhe fjalët më të ëmbla, duke treguar se ky vit dhe ato që do të pasojnë do jenë më të bukurit për të.
“Noa jetë e vogël, e madhe!9 muaj mezi të pritëm dhe kur të pamë ti ishe trilion fishi i asaj që ne kishim imagjinuar për ty. Zemrarreh çdo ditë e më fort, se ti zbukuron çdo sekondë të jetëve tona, vetëm me një buzëqeshje e me 4 kicat e tu të bukur e të bardhë! Noa, ti je pauza më e bukur e qetësisë dhe piskama më e fortë e dashurisë… Ky po që ishte viti më i bukur i jetës sime e kushedi sa të mrekullueshëm do të jenë të tjerat që do vijnë pas. Gëzuar ditëlindjen oj gëzime, fytyra jote ndriçoftë përnatë si hanë e rrezatoftë përditë si diell. U rritsh me gëzime e shëndet, plot gjallëri, kuriozitet për planetin dhe paç shumë shoqe e shokë. Të duam Noa jonë ❤️ #Noa1vjeç #gezuarditelindjen #vajzaeditelindjes”, ka shkruar ajo pranë postimit në ‘Instagram’.
