Në këtë fundjavë të bukur me diell në familjen e regjisorit Petri Bozo ka festë dhe këtë e kemi mësuar nga bashkëshortja e tij, skenaristja Alda Bida.
Regjisori i spektakleve të bukurisë Petri Bozo ka ditëlindjen dhe Alda ka zgjedhur rrjetet sociale për t’i dedikuar një urim mjaft special dhe plot ndjenjë bashkëshortit të saj.
“Dita jote e lindjes është festë në kalendar jo vetëm për familjen por për të gjithë ata që të njohin e kanë punuar me ne. Bashkë kemi sot një familje të bukur falë teje dhe ideve të tua një mbretëri bukurie me kurorë si “Miss Shqipëria”. U rritëm të dy, më shumë kemi jetuar bashkë se me familjet ku u lindëm! Mësuam nga njëri-tjetri, u grindëm jo rrallë, e grindemi prapë, kuptuam se çfarë është dashuria tek rrinim bashkë. “Vrapuam” për tu bërë prindër e mësuam prindërimin të dy. Ti që heshtur je kaq i dhimbsur, e zhurmshëm kaq energjik që çdo ditë dhuron për cilindo që ka nevojë për ty, që ma nis ditën me puthje dhe kurrë nuk harron të më dhurosh përqafime në mbrëmje e më bën të besoj se nesër do të jetë një ditë e re plot dritë. Asnjëherë nuk di të zgjedh dhuratën e duhur për ty, madje edhe fjalët nuk di ti zgjedh, por di se kjo që më bën të jem kështu, është emocion që buron nga prania jote, sepse të dua shumë Petri Bozo dhe jam e sigurtë tani që do të të doja edhe sikur të kisha një jetë tjetër. Sa kemi festuar ndoshta nuk do festojmë, por me ty jeta është gjithnjë një festë plot ngjyra! Gezuar shpirtmadh e zemërluan!”- ka shkruar ajo.
Petri Bozo dhe bashkëshortja e tij prej shumë vitesh kanë kthyer në traditë organizimin e spektaklit “Miss Shqipëria” ku kurorëzohet më e bukura e Shqipërisë.\revistawho.com
