Ditëlindja e Ramës në Paris, Daçiç i këndon “O sole mio”

Gjatë darkës në samit, teksa Hollande i kishte rezervuar surprizën e ditëlindjes, shefi i diplomacisë serbe Ivica Daçiç, ka kënduar për Edi Ramën. Gazeta serbe “Kurir” shkruan sot se, Hollande i ka kërkuar Daçiç që të këndojë një këngë për nder të ditëlindjes së Edi Ramës. Sipas gazetës, “këngëtari ynë kryesor në skenën politike nuk e ka refuzuar kërkesën”. Ai i kushtoi Ramës dy nga pjesët e ‘repertorit’ të tij, “O sole mio” dhe “Santa Lucia”. Madje, para se të niste këngën, kur mori mikrofoin pyeti “ku është orkestra”? Pas kësaj performance, Hollande, Merkel dhe Mogherini e duartrokitën. Kjo nuk është hera e parë që Daçiç shfaqet edhe si këngëtar. Në Beograd, dy vite ta shkuara, në samitin e Kinës dhe të 16 vendeve të Evropës Lindore e Qendrore, ai i këndoi Edi Ramës të njëjtën këngë./ Panorama