Djali i Ingrit Gjonit rritet dita-ditës dhe mund të themi se ai është tashmë një nga miqtë më të mirë të mamit të tij. Pavarësisht angazhimeve të shumta, Ingriti mundohet t’i përkushtohet sa më shumë Paridit, duke qëndruar sa më pranë tij. Ditën e djeshme këngëtarja zbuloi se kishte zgjedhur një nga destinacionet më të preferuar për fëmijë, DisneyLand, për të surprizuar Paridin.
Por mesa duket ky udhëtim nuk ka qenë i paplanifikuar, sepse i vogli Parid feston ditëlindjen dhe mami dëshiron që t’i bëjë dhuratën më të bukur duke udhëtuar së bashku në vende të ndryshme. Jo vetëm destinacionet janë të veçanta, por edhe mënyra për të udhëtuar dhe shëtitur është shumë e veçantë. Ingriti ka postuar në ‘Instagram’ një fotografi, në të cilën shihet hipur në një makinë ‘Ferrari’ së bashku me Paridin, përpara kullës Eiffel në Paris. “Ditëlindja e Paridit. Zemra e mamit edhe 100!”, – ka shkruar Ingriti.
Me siguri kjo ditëlindje do të mbahet mend gjatë nga të dy nënë e bir. /revistawho.com
