Lori Hoxha gjithmonë ka qenë e pranishme në momentet më të rëndësishme të të dashurit të saj, Vis Bajraktari. Sot ai feston 25-vjetorin e lindjes dhe për këtë ditë speciale ka zgjedhur një nga vendet më të bukura të Francës. Vis Bajraktari ka publikur në ‘Instagram’ një fotografi nga Saint Tropez nga një jaht luksoz dhe ka shkruar: “U zgjova 25 sot”.
Vetë Lori nuk ka publikuar ende asgjë nga festa, megjithatë ajo duhet të jetë e pranishme në ditën më të rëndësishme të njeriut të saj të zemrës. Për më tepër bie në sy se në të njëjtin destinacion në të cilin Vis Bajraktari po feston ditëlindjen ndodhet edhe Sara Hoxha. Ajo ka publikuar në ‘Instagram’ një video nga një vend që është shumë i ngjashëm me atë që ka zgjedhur i dashuri i Lorit për të festuar ditëlindjen. /revistawho.com
