Zemrës së argëtimit dhe të shijes së mirë të Tiranës, ish-Bllokut, i është shtuar tashmë, një “gur i çmuar” në rradhën e pastiçerive, restoranteve dhe hotelerisë së kryeqytetit. “Divina” u ri-hap në një ndërtesë 4-katëshe karakteristike të kësaj zone, por tashmë me një arredim ultra-modern dhe me të gjitha shërbimet që ofron eksperienca 25-vjeçare e ekspertit të ushqimit dhe pastiçerisë në vend, kompania “Neranxi”. Eventi i hapjes, i organizuar nga kompania “Neranxi” në bashkëpunim me “AnabelEvents” mblodhi me qindra njerëz, miq të familjes, ambasadorë të huaj të akredituar në Shqipëri dhe figura të njohura të showbiz-it, të cilët u argëtuan deri në mesnatë, në një “parajsë” ëmbëlsirash të përgatitura nga shefa italianë dhe profesorë e studentë të Institutit të Kulinarisë “Neranxi”.
[metaslider id=12129]
Për herë të parë, “Divina” hapi dyert në vitin 2010, në hyrje të Liqenit dhe menjëherë u kthye në vendin “must” për të gjithë admiruesit e ëmbëlsirave dhe ata që kërkonin një argëtim ndryshe në Tiranë. Distributori kryesor i lëndës së parë për të gjithë pastiçeritë e Shqipërisë, familja Neranxi, solli më të mirën e eksperiencës së saj në këtë pastiçeri. Fama e shpejtë që mori “Divina” i shtyu dy vajzat e familjes, Efi dhe Kristina Neranxi, që të projektonin një hapësirë më të madhe dhe me shërbime ekstra si restoranti dhe hoteli (i cili hapet pas disa muajsh), që të ishte më e aksesueshme për të gjithë dhe të sillte një eksperiencë ndryshe në përjetimin e shijes më të mirë që mund të ofrojnë ëmbëlsirat dhe gatimet e shefave të kësaj kompanie, ndërthurur me një stil arredimi bashkohor, tepër modern, por duke ruajtur identitetin e vilës, në të cilën është vendosur. / Anabel
