Divorci i tyre në vitin 2005 shkaktoi shumë bujë, megjithatë Jennifer Aniston dhe Brad Pitt mbetën miq të mirë me njëri-tjetrin. Kjo gjë është vërtetuar së fundmi edhe në festën e ditëlindjes së Jennifer. Mbrëmjen e djeshme aktorja ka mbledhur të gjithë miqtë e saj për të festuar përpara kohe 50-vjetorin e lindjes.
Në festën në Los Angeles është shfaqur edhe Brad Pitt përkrah emrave të tjerë të njohur si: Katy Perry, Orlando Bloom, Ellen DeGeneres, Gwyneth Paltrow, Kate Husdon etj.
Burime për revistën ‘People’ kanë treguar se në ditëlindjen e Aniston ishte i ftuar edhe një tjetër ish-partner i saj, John Mayer. Ndërsa kohët e fundit, Brad Pitt po përflitet për një lidhje të re me Charlize Theron, por asnjëri prej tyre nuk ka pranuar ende asgjë. /revistawho.com
