Divorci i Angelina Jolie dhe Brad Pitt dhe kujdestaria e fëmijëve është kthyer në një luftë mes dy palëve. Angelina nuk preferon që Brad të përfshihet në jetën e 6 fëmijëve te tyre dhe për këtë arsye thuhet se ajo po logjikon në mënyrë të cekët. Një burim i ‘TMZ’ ka treguar se avokatja e Jolie, Laura Wasser, është gati të heqë dorë nga kjo çështje duke qenë se po kthehet në një ferr të vërtetë për të. Gjithashtu ky burim ka treguar se Angelina kohët e fundit vetëm bërtet, duke qenë se është e mbushur me inat dhe po tregohet e paarsyeshme.
Duke qenë se avokatja do të shkëpusë kontratën me Jolie, duket se aktorja po kërkon një firmë tjetër avokatie. Divorci Joli-Pitt është vërtet një nga çështjet më të vështira, duke qenë se ata të dy nuk do të bien kurrë dakord për kujdestarinë e fëmijëve. Angelina kërkon që Brad të ndërpresë çdo marrëdhënie me 6 fëmijët dhe të mos i shohë kurrë, ndërsa për aktorin fëmijët dhe puna janë gjëja më e rëndësishme në jetë. /revistawho.com
