Nuk ka më asnjë dyshim, modelja e famshme Belen Rodriguez dhe ish-partneri i saj Stefano De Martino do të divorcohen. Sot është realizuar edhe seanca e parë e divorcit, e cila ishte parashikuar për të diskutuar çështjet ekonomike si dhe më e rëndësishmja, kujdestaria e djalit të tyre. Gjykata do të vendos se kush dhe sa do të qëndrojë me djalin Santiago. Çifti ka zbuluar në deklaratat e fundit se e kanë përjetuar shumë keq ndarjen. Showgirl-i argjentinas ka thënë se është ndjerë aq keq nga fundi i martesës së saj, saqë i është dashur ndihma e psikologut për ta kaluar.
“Divorci është dështimi më i shëmtuar i jetës sime, por ja që ndodhi. Pas një dhimbjeje të tillë e rëndësishme është të ringrihesh e të buzëqeshësh. Jeta vazhdon!” – ka thënë Belen. Ndërsa bashkëshorti i saj balerin e ka përshkruar ndarjen si momentin më të vështirë të jetës. “Tërmeti i shpirtit tim është ndarja nga gruaja ime” – ka thënë Stefano./revistaclass
