DJ Dagz dhe partnerja e tij, Einxhel Shkira, kanë ndarë së fundmi një detaj shumë personal nga jeta e tyre familjare – kuptimin e emrit të djalit të tyre të dytë, Kres. Kjo histori ka një të papritur interesante: përfshin edhe ChatGPT.
I ftuar në emisionin “Libero” në ATV me Resul Sinanin, DJ Dagz (Arbër Gumnishta) foli për herë të parë publikisht rreth emrit të djalit të tij dhe për emocionet që e shoqërojnë këtë zgjedhje. Ai tregoi se pas emrit “Kres” fshihet një histori e veçantë dhe personale, që nisi me një diskutim virtual.
“Historia jonë e fundit me ChatGPT është emri i djalit të dytë,” – tha Dagz, duke buzëqeshur.
Ai shpjegoi se Einxhel kishte kërkuar mendimin e ChatGPT për emrin “Kres”, por përgjigjja nuk e kënaqi aspak. “ChatGPT i thotë që është një emër sllav, s’përfshinte asgjë shqiptare. Dhe Einxhi, si Einxhi – që nuk lëshon pe – fillon t’i shpjegojë se çfarë do të thotë Kres.”
Për çiftin, emri ka një kuptim të thellë dhe lidhet me identitetin dhe origjinën, pavarësisht se inteligjenca artificiale nuk arriti ta kuptojë menjëherë këtë domethënie.
