Ai është një prej Dj-ve më në zë të momentit, edhe pse ka vite që na ka shoqëruar me muzikën e tij gjatë jetës së natës.
I ftuar në “Pushime on Top”, Sardi ka folur për rregullat e reja të Covid-19.
“Kënaqësia e jetës së natës është krejtësisht tjetër, por edhe dreka ka lezetin e saj”, ka thënë Sardi.
I pyetur nga moderatori Flori Gjini se cilën këngë nuk do të luante kurrë edhe pse njerëzit mund ta dëshirojnë pafund, Dj i njohur shqiptar ka thënë shkurt dhe prerazi: MOZZIK.
“Nuk do ta luaj kurrë edhe pse ma kërkojnë njerëzit, sidomos këngët e albumit të tij të fundit, Mozart”, është shprehur ai. Madje edhe nëse do t’ja kërkonte partnerja e tij, për të cilën po përflitet në media. Dj i njohur ka thënë se e dashura e tij do të qëndrojë misterioze, përsa kohë të dojë ajo dhe kur të ndihet ajo gati.
