Michael Buble e kemi njohur përmes këngëve të tij, ndërsa Luisana Lopilato përmes roleve të ndryshëm në serialet e shumëdashura të adoleshëntëve vite më parë. Ata janë bashkë prej disa vitesh dhe kanë sjellë në jetë dy djem. Të dy të suksesshëm në karrierë e të përkushtuar në jetën familjare.Por një lajm i keq ka ardhur për të tronditur familjen e tyre. Djali më i madh i familjes, 3-vjeçari Noah është diagnostikuar me një sëmundje të rëndë. Këtë e ka bërë vetë të ditur këngëtari në profilin e tij të Facebook-ut, ku njëkohësisht ka kërkuar edhe mirëkuptimin e ndjekësve.
Michael dhe Lu konfirmojnë sëmundjen e djalit të tyre: “Jemi Të dërmuar në lidhje me diagnozën e kancerit të djalit tonë më të madh Noah, i cili aktualisht është në SHBA duke u kuruar. Ne kemi qenë gjithmonë shumë të zëshëm në lidhje me rëndësinë e familjes dhe dashurinë ndaj fëmijëve tanë. Luisana dhe unë, kemi vënë karrierat tona mënjëanë për të kushtuar të gjithë vëmendjen dhe ndihmën tone që Noah të bëhet mirë. Në këtë moment të vështirë, ju kërkojmë vetëm të luteni dhe të respektoni privatësinë tonë. Kemi një udhëtim të gjatë përpara dhe shpresoj se me mbështetjen e familjes, miqëve dhe fansave të fitojmë këtë betejë, me vullnetin e Zotit”, ka shkruar këngëtari në profilin e tij.
