Si sot një vit më parë, emri i Dr. Florit mori sërish jetë te nipi i tij, djali i Albanit, i cili nuk u mendua dy herë për të zgjedhur një emër tjetër. Edhe pse, në fillim, siҫ u shpreh ai më vonë për mediat, e kishte pak të vështirë ta thërriste në emër, nuk pati as pendimin më të vogël. Vëllai i tij i ndjerë ka marrë jetë tashmë prej një viti edhe tek i biri.
Sot, Flori i vogël ka festuar ditëlindjen e tij të parë. Edhe pse ai akoma nuk e kupton sa gëzim i madh është për familjen e tij, e ka mbledhur bashkë të gjithë familjen Kondi, por edhe miqtë e ngushtë të dy prindërve të tij.
Eneida, bashkëshortja e Albanit, Blerina, bashkëshortja e Dr. Florit, por edhe shumë miq të tjerë të ftuar, kanë ndarë disa prej këtyre momenteve festive në profilet e tyre sociale duke i uruar jetë të gjatë e sa më shumë vite të bukura Florit të vogël./Class
