Bler Berisha, djali i fotografit të famshëm shqiptar Fadil Berisha , duket se është lodhur nga shqiptarët që i kërkojnë vazhdimisht favore. Të paktën kështu ka deklaruar ai në një status në rrjetet sociale, duke dërguar një mesazh të qartë për bashkëkombësit e tij, shkruan “Bluetooth”. “Të dashur shqiptarë që unë nuk ju njoh dhe as dua t’iu njoh! Mjaft më kontaktuat për gjëra idiote si lidhjet, favoret apo informacionet për babain tim. Ngrijeni nga vendi prapanicën tuaj dembele dhe punoni. Mendoni se unë mbaj gjithë ditën prapanicën time ulur?, ka shkruar Bler Berisha. E me sa duket, të njëjtin mendim me të ndajnë edhe shumë miq, që e kanë mbështetur me komentet e tyre.
