Djali i Lorik Canës mbush 1 vjeç, futbollisti: Je kuptim i jetës sime…

Ne në redaksinë e revistës i kujtojmë fare mirë ditët e veçanta në jetët e personazheve të famshëm, pasi kur ka ngjarje në jetën e tyre, mobilizohemi të gjithë për të pasur sa më shumë detaje e të reja. Kështu ndodhi edhe një vit më parë, kur morëm vesh se ish-Kapiteni i Kombëtares Lorik Cana, u bë baba për herë të parë. Tentuam të lidheshim me vetë Lorikun, më pas me një mikun e tij e si përfundim emrin e djalit të porsalindur dhe detaje të tjera i mësuar nga gjyshi i të voglit. Babai i Lorikut na tha për herë të parë se djali i futbollistit të famshëm shqiptar do të quhej Boiken. Koha kalon shpejt e sot Boikeni feston plot 1 vit jetë. Një urim të ndjerë e shumë të bukur i ka bërë edhe Loriku. “1 vjetori i djalit tim sot, je kuptimi i jetës ime dhe pasuria që Allahu më ka fal!!! Të dua Boiken”, shkruan Cana.