Fatmir Hysenbelliu, djali i boss-it të mediave Irfan Hysenbelliu, sapo ka bërë një blerje të çmendur. “RevistaWho.Com” ka zbuluar se makina McLaren 570gt, e cila u prezantua për herë të parë në nëntor të këtij viti dhe që ka një vlerë prej 250 mijë eurosh (me gjithë taksat), tani qëndron e parkuar në zonën e ish-Bllokut, poshtë pallatit ku jeton familja Hysenbelliu. Ky model, full option është një nga 15-të të tilla që janë shitur deri më tani në të gjithë Europën. Dashuria e Onit, siç e njohin të gjithë, për makinat është shfaqur gjithnjë. Në ditëlindjen e tij të para disa viteve ai mori për dhuratë një nga X6-tat e para në Tiranë. Fatmir Hysenbelliu, aktualisht mban rolin e zv.presidentit në kompaninë “Hysenbelliu Group”, që përfshin disa biznese të tilla si: televizioni “News24”, “Gazeta Shqiptare”, “Radio Rash”, “Balkanweb”, gazeta “Panorama”, “Birra Korça”, “Uji Fab”, “Universiteti Luarasi”, etj. Më herët ai ka qenë i angazhuar si futbollist në disa klube të njohura në Shqipëri dhe ka ndjekur akademi të famshme të futbollit në botë.
