Një detyrë shkolle ka bërë që Hermesi, djali i aktorit të programit të humorit “Portokalli” Romir Zalla, t’u tregojë të gjithëve “hallet” e shtëpisë. Hermesi i vogël shkruan se babai i tij, megjithëse është aktor me famë, nuk ka para. “Babai im quhet Romir. Mbiemrin e ka Zalla. Ai është aktor i famshëm. Por lekë nuk ka shumë. Ai punon tek Portokalli por tani jo më. Është 42-vjeç. Ose të paktën ashtu e di unë. E kam jetë babin tim. E kam jetë dhe shpirt atë”, ka shkruar i biri i aktorit në fletoren e shkollës. Këtë detyrë të të voglit, Romiri e ka shpërndarë në rrjetet sociale duke konfirmuar në një farë mënyre se ato që ka shkruar i biri janë të vërteta.
