Pikërisht kur dukej shumë pranë realizimit të ëndrrës më të madhe të jetës së tij ende të shkurtër, ai mori një lajm të trishtë. Murtaza Ahmadi, vogëlushi afgan që mallëngjeu web-in duke veshur një qese si bluzën e idhullit të tij Leo Messi, nuk do e takojë dot kurrë atë. Siç raporton “Daily Mail” duke cituar një burim pranë fondacionit të yllit të Barcelonës, takimi nuk do të bëhet. “Marrim mijëra kërkesa të ngjashme nga fëmijë nga e gjithë bota dhe e vërteta është që s’mund t’ia plotësojmë të gjithëve. Do të na pëlqente por është e pamundur”, ka thënë burimi. Disa javë më parë, fëmija afgan mori si dhuratë një bluzë me autografin e kampionit argjentin. Pas kësaj të shumtë ishin ata që shpresuan në diçka edhe më të lumtur për vogëlushin, një takim. Por kjo rezultoi e pamundur.
