Këngëtarja e muzikës popullore, Maya ka qenë sot e ftuara speciale e programit të së dielës ‘E diell’. Ajo ka folur për kujdesin që ka treguar për djalin e saj gjithë këto kohë, duke shtuar se Jonas i ka sjellë dritë në shpirt dhe në sytë e saj.
Më tej artistja ka treguar se deri në momentin kur djali bëri 6-muajsh, e ka pasur problem kontaktin e tij me njerëzit e tjerë, pasi i vogli nuk ishte vaksinuar ende.
“Deri 6-muajsh nuk doja të ma preknin djalin”, ka pohuar Maya duke shtuar se kishte shumë kujdes për shëndetin e tij. Me kalimin e kohës dhe rritjen e tij kjo pjesë ka ndryshuar dhe tashmë raporti i Jonas me njerëzit është më i afërt.
Ndër të tjera këngëtarja foli edhe për fazat më të vështira në jetën e saj, të cilat duket se tani janë duke kaluar. Në skenën e ‘E diell’ nuk mungoi as performanca e artistes, e cila këndoi disa prej këngëve më të dashura të publikut nga repertori i saj./revistawho.com
https://www.instagram.com/p/B7OfOoGABV3/?igshid=1e20zmfnhjja7
https://www.instagram.com/p/B7OgLddgeJm/?igshid=1nmx50p147q0r
