Para pak kohësh, nëpër internet qarkulloi një video e dy djemve, Besimit dhe Ilirit, gjatë një interviste të një gazetari në rrugë. Për shkak të disa shprehjeve, kjo video u kthye në ‘meme’ dhe mori nota tallëse nga shumica e njerëzve. Ditën e sotme, Besimi ka pasur një takim me reperen shqiptare, Taynën, mbi këngën e saj më të re. Këtë e ka treguar vetë ajo pasi ka publikuar një foto me Besimin. “Unë takova Besim Hajran, njërin prej djemve të videos “A bon me fol”. Besimi ishte një ndër njerëzve më të sjellshëm dhe të dashur që kam takuar. Ai më tregoi për talljet që i kishin ndodhur, siç i dimë të gjithë dhe historia nuk ishte aspak e këndshme. Më erdhi shumë keq për ato që dëgjova dhe besoj që dhe juve. Për të bërë një ndryshim, unë vendosa të përdor fjalën e lartëpërmendur në këngë dhe ta shëndrrojmë në diçka të këndshme, që kjo histori të marrë një rrjedhë tjetër. Besimi tha që ishte dakord, ashtu dhe Iliri. Kënga vjen së shpejti dhe është ndryshe nga ajo që keni dëgjuar”, ka shkruar Tayna në foton ku dukej me Besimin në studio. Kohët e fundit, Tayna ka treguar se është duke e përdorur famën e saj për të ndihmuar njerëzit, si dhe për të folur për tema të rëndësishme sociale. Tani të gjithë jemi në pritje të detajeve të reja mbi projektin e saj./revistawho.com
https://www.instagram.com/p/Bu8K2A3gC8f/
