Djemtë nuk i flasin më, Britney Spears: Ndihem sikur një pjesë e imja ka vdekur

Britney Spears ka treguar se marrëdhënia e saj me dy djemtë, 16 dhe 17 vjeç, vazhdon të jetë e tensionuar.  “Ata ishin gëzimi im, gjithçka e imja. Mezi pres t’i shoh, kjo është ajo për të cilën jetoj. Dhe krej papritur ata u zhdukën”, tha këngëtarja në disa video të publikuara në Instagram. Më pas vazhdoi: “Nuk e kuptoj se si është kaq e lehtë për ta, të më largojnë kështu. Nuk e kuptoj.” Për djemtë e këngëtares kujdeset ish-bashkëshorti i saj, Kevin Federline.  Britney nuk i ka parë djemtë e saj për rreth gjashtë muaj dhe madje ata nuk morën pjesë as në dasmën e saj pak muaj më parë.