Për shumë nëna, shtatzënia e dytë është shumë ndryshe nga e para. Shkak është frika e reduktuar që ndjejnë pasi eksperienca nuk është më edhe aq e re. Sado ndryshe të jetë pritja e ëmbël herën e dytë, sërish nëna nuk ka frikë apo ndjesi të njëjta me eksperiencën e parë plot të papritura.
E vetmja gjë që ndryshon është pjesa e emocioneve me të cilën e pret fëmijën të vijë në jetë. Nga ana tjetër, pritja e parë është si dashuria e parë, emocioni që ndjen kur e merr vesh lajmin, kur e ndan me partnerin e gjithçka tjetër është shumë ndryshe në herën e parë.
Nëse jeni nënë që keni plan të bëni një tjetër bebe, ose tashmë e keni ju ftojmë të lexoni se çfarë mund të ndryshojë në shtatzëninë e dytë.
Simptomat
Kur vjen puna tek simptomat nuk ka një rregull të shkruar. Se si do shkojë shtatzënia mund të parashikohet deri diku nga shëndeti i nënës, por gjithsesi simptomat mund të ndryshojnë dhe transformohen sado t’i parashikoni.
Përshembull ndjesia e të vjellave në mëngjes. Nëse një grua i provon në shtatzëninë e parë, tek e dyta ka gjasa të mos përsëriten.
Gjithashtu barku duket më shpejt në shtatzëninë e dytë se në të parën. Për arsyen e thjeshtë se muskujt janë mësuar dhe përshtaten më shpejt me hapjen.
Lodhja dhe nevoja për pushim është gjithashtu simptomë e shtatzënisë të dytë. Dhimbja e shpinës në shtatzëninë e dytë mund të ndihet më herët se tek e para dhe me intensitet më të madh.
Nënat në shtatzëninë e dytë kanë tendencën të neglizhojnë ushqimin e mirë pasi japin shumë nga koha për kujdesin e fëmijës së parë. Kjo është një pikë që nuk duhet neglizhuar në mënyrë absolute pasi ndikon drejtëpërdrejt tek shëndeti i foshnjës në bark.
Lindja
Kontraksionet nuk duhet të neglizhohen në shtatzëninë e dytë, pasi edhe kur duket sikur ke dhimbje false, mund të ndodhë që fëmija të vijë vërtetë në jetë.
Lindja do jetë më e shkurtër se e para dhe dalja e bebit do jetë gjithashtu më e shpejtë. Një detaj tjetër është edhe mundësia më e madhe për të lindur natyralisht bebin, pa ndërhyrje./revistawho.com
