Martesa e Jeff Bezos, me partneren e tij Lauren Sánchez, e planifikuar në fund të jëtij muaji në Venecia, ka shkaktuar një valë zemërimi në qytet.
Aktivistët vendas thonë se janë kundër arrogancës së miliarderëve që mendojnë se mund të blejnë çdo gjë, madje edhe Venecian. “S’ka vend për Bezos”, është slogani që bashkon aktivistët nga organizata dhe ambientalistë dhe që ka paralajmëruar se do të pengojë fizikisht mbërritjen e çiftit në kishën ku do të mbahet ceremonia.
“Do ta bllokojmë hyrjen në kishë nga deti me varka, nga toka me trupat tanë. Edhe nëse vendosin zonë të kuqe, ne do të jemi aty”, ka theksuar aktivistja Alice Bazzoli.
Kujtojmë se Jeff Bezos dhe Lauren Sánchez pritet të festojnë për tre ditë në Venecia (26-28 qershor), me një maratonë luksoze dhe me rreth 200 të ftuar VIP si Oprah Winfrey, Mick Jagger, Lady Gaga, Eva Longoria, Katy Perry, Ivanka Trump dhe familja Kardashian.
