Ledri Vula u shfaq si i ftuari i parë në emisionin e ri të Arbana Osmanit, “Mirëmbrëma yje” së bashku me Alban Skendarajn. Gjatë intervistës, këngëtari ndau detaje të papritura nga jeta e tij private, duke treguar historinë e ardhjes në jetë të vajzës së tij, Poem Blu.
Teksa Arbana e pyeti rreth planeve për shtatzëninë, Ledri bëri një deklaratë që la shumë njerëz të habitur. Ai pranoi se lajmi për shtatzëninë e Sarës kishte ardhur në një moment krejt të papritur, pasi çifti ishte ndarë vetëm një ditë më parë.
“Ishim ndarë një ditë para se të merrnim vesh për shtatzëninë. Kur Sara më tregoi ekon, ishte e papritur. Pyetja ime e parë ishte: ‘A do ta mbajmë?’ Ajo ishte shumë e lumtur,” – tregoi Ledri, duke kujtuar momentin me sinqeritet të plotë.
Këngëtari gjithashtu foli për përjetimet e tij si baba dhe momentin kur e mbajti për herë të parë të bijën në krahë. Ai e quajti atë çastin më të bukur të jetës së tij: “Lot gëzimi, nuk mund t’i ndalja,” – tha ai, duke përcjellë emocionet e atësisë.
