Ditën e sotme, Luiz Ejlli përmes një postimi në Instagram njoftoi se kontrata e tij me “Top Channel” ka përfunduar.
Gjatë ditës së sotme ai ka mbajtur një konferencë në Kosovë ku edhe ka njoftuar se do të jetë në menaxhimin e Jetmir Agajt dhe “SBS Music Entertaiment”.
Ai është ndalur edhe te roli i tij më i ri, ai i babait.
“Do ju shaj gjithë jetën që s’më keni thënë më parë të bëhem me fëmijë sepse s’paska gjë më të lumtur dhe më të bukur.
Jetën e shikoj më ndryshe. Kur deri dje thonim “mbaroi jeta”, u martova u bëra me fëmijë, atëherë filloka… Momenti i lindjes erdhi papritur. Sipas llogarive të mjekëve ajo e kishte për të lindur rreth datës 7-9 maj. Erdhi më 30 prill. Dihet sepse është vajza ime dhe është e paparashikueshme. Unë tani kam filluar ta dua nënën time më fort, sepse kur e shikoj çfarë paska vuajtur me ne… Zoti më ka bekuar me vajzë, gëzim më të madh s’paska…Edhe në letër t’i kisha shkruar të gjitha, t’ja kërkoja të madhit Zot, dua këtë dua atë, m’i dha të gjitha.
Puna është se është më vështirë t’i mbash, se për t’i bërë ndoshta i bën dhe i arrin gjithkush. Kjo është lufta”, ka thënë Luizi.
