Këngëtarja e njohur Kida ishte e ftuar në emisionin “Mirëmbrëma yje”, ku ndau disa detaje nga jeta e saj private dhe planet për të ardhmen.
E pyetur nga prezantuesja nëse po afrohet dita e dasmës, ajo u përgjigj me humor se ajo dhe partneri i saj nuk janë shumë të dhënë pas ceremonive të mëdha. Megjithatë, theksoi se familja e saj, sidomos babai, e dëshiron një dasmë tradicionale dhe nuk bën kompromis për këtë.
Ajo tregoi gjithashtu se partneri i saj i ka propozuar për martesë në dhjetor të vitit 2024, pikërisht në ditëlindjen e saj të 27-të.
Tani mbetet për t’u parë se kur çifti do të vendosë ta kurorëzojë lidhjen me martesë.
