Debati i famshëm midis Fjoralba Ponarit dhe Olti Currit, është i njohur nga të gjithë. Sherri virtual midis tyre nisi pak muaj më parë pas një gabimi të Fjoralbës teksa ishte duke prezantuar “E diell”. Olti gjeti mundësinë dhe e përdori atë për ta kthyer në një video komike dhe ironizuese. Javën e shkuar bloggeri është bërë pjesë e rubrikës “Për’puthje” në “E diell”, ku do të shihet vazhdimisht me Fjoralbën. Për sa i përket kuriozitetit të njerëzve rreth marrëdhënies së tyre tani që të dy janë pjesë e të njëjtit program, moderatorja e zbulon në ‘Ask Me’ në ‘Instagram’. “Nuk do të bëhemi papritur shokë të ngushtë jo, ama do ta respektoj për pozicionin që ka te “E diell”, shkruan ajo për pyetjen në lidhje me Olti Currin. Mesa duket midis të dyve është vendosur paqe për hir të punës, por se sa do zgjasë ende nuk e dimë.
