Këngëtarja Fifi ka ndarë së fundmi me fansat një video në Instastory, ku duket se adreson kërkesat e shumta për rikthimin te stilit të saj të mëparshëm muzikor, i cili përbëhej kryesisht nga baladat.
“Unë mendoj që i kam bërë disa gabime strategjikisht në muzikë. E kam parë që këtë 2-vjeçarin e fundit më keni thënë të gjithë ‘ku është Fifi i vjetër? Ku është Fifi i vjetër? Kemi nevojë për muzikën e Fifit të vjetër’”, ka thënë këngëtarja.
Sipas Fifit, eksperimentimet e fundit kanë qenë të qëllimshme, por tashmë po afrohet momenti i rikthimit:
“Kam eksperimentuar shumë. Kam bërë gabim të qëllimshëm. Dhe ka ardhur koha për të kthyer Fifin e vjetër.”
Në një screenshot të publikuar me dhjetëra regjistrime zanore, artistja zbuloi gjithashtu se katër muajt e ardhshëm do të sjellin shumë projekte të reja:
“Shtator, tetor, nëntor, dhjetor kemi për të qarë shumë bashkë!”
Fansat e Fifit mund të presin një rikthim të fuqishëm dhe emocionues të stilit të saj të njohur, i cili premton ta mbushë fundvitin me muzikë të re.
