Pak ditë më parë, Mc Kresha, i dha fund beqarisë në një dasmë që erdhi mjaft e papritur. Një ditë më pas u zbulua se ai dhe bashkëshortja Erzina do të bëhen prindër për herë të parë.
Pas këtyre ngjarjeve speciale në jetën e tij, Kresha ka folur për herë të parë mbrëmjen e djeshme në emisionin “N’darkë”. “Krijimi i familjes është një cikël që secili prej nesh e pret. Fatkeqsisht unë e kam shtyrë goxha, e mira është sa më herët, për të dhënë shembull. Duhet të marrim parasysh që në shtetet fqinje që ne i kemi armiq të përbetuar, kryeministrat bëjnë thirrje që njerëzit të bëjnë fëmijë sa më shumë. Sepse ne që i kemi shtyrë martesat kemi ndikuar negativisht në natalitetin e kombëtar. Besoj secili prej nesh e ka obligim natyror të martohet e të shtohet”, është shprehur ai.
