Të gjithë fansat e saj po presin të dëgjojnë këngët e albumit të ri, por mesa duket Rihanna ende nuk është gati të heqë dorë nga bizneset. Ditën e sotme, është bërë publik lajmi se këngëtarja e njohur do të sjellë bashkëpunimin më të ri me kompaninë gjigande të markave të luksit ‘LVMH’, pjesë e së cilës janë Dior, Louis Vuitton etj. Marka e re do të vendoset në Paris dhe do të mbajë emrin Fenty, njësoj si marka e produkteve kozmetike të këngëtares. Sipas raportimeve, marka e re do të jetë totalisht në stilin e Rihanna-s dhe deri tani është mësuar se bëhet fjalë për veshje, këpucë dhe aksesorë. “Dizenjimi i një linje si kjo me ‘LVMH’ është një moment tepër special për ne. Z. Arnault më ka dhënë një mundësi unike për të zhvilluar një shtëpi mode në sektorin e luksit, pa limite artistike. Nuk e imagjinoja dot një partner më të mirë si nga ana kreative, ashtu edhe nga ana e biznesit. Jam gati që bota të shohë atë që kemi ndërtuar bashkë!”, është shprehur Rihanna. Veshjet do të lançohen në javët në vazhdim me logon e firmës ‘Fenty’./reevistawho.com
https://www.instagram.com/p/BxSJSeEBOwn/
https://www.instagram.com/p/BxSJW27BeEl/
