Këtë vit në festivalin e muzikës “Kënga Magjike”, Ardit Gjebrean do e shohim të prezantojë krahas dy bukurosheve shqiptare, Bora Zemani dhe Klaudia Pepa. E ndërsa Bora dihej, për Klaudian lajmi u bë i ditur ditën e dielë gjatë emisionit “E diela shqiptare”, në të cilën balerina e njohur shqiptare bëri një lidhje direke. Përpos emocioneve dhe kënaqësisë për të qenë pjesë në 20-vjetorin e festivalit, ajo tregoi se nuk do të vijë e vetme, por me vete do të marrë edhe 12 balerinë profesionistë të “Mediaset”.
Nëpërmjet një statusi të bërë në ‘Facebook’ Klaudia ka ndarë më publikun ndjesitë e para dhe se si ndihet për këtë arritje.
“Përshëndetje miq. Si ju duket lajmi i festivalit “Kënga Magjike”? “Kënga Magjike” ka qenë gjithmonë një pjesë e bukur e jetës sime, kam marrë pjesë shpesh si balerinë dhe ëndërroja që një ditë të isha prezantuese dhe balerinë në të njëjtën kohe dhe ja. Faleminderit stafit dhe Ardit Gjebreas. Faleminderit familjes sime që beson gjithmonë tek unë. E lumtur që do jem afër jush. Mezi pres”,- shkruan balerina.
Eksperiencën në moderim, Klaudia nuk e ka për herë të parë, pasi ajo ka prezantuar në “Sky Italia”, një program muzikor./revistawho.com
