Victoria Beckham ka konfirmuar se ajo nuk do të dizajnojë fustanin e Meghan Markle për dasmën mbretërore. Në një emision televiziv asaj ju bë një pyetje shumë e drejtpërdrejtë: “Tani Victoria ne e dimë të gjithë që ka një dasmë mbretërore, si po shkon stilimi i fustanit të Meghan, po shkon mirë?” Por Victoria nuk u gjend aspak ngushtë për këtë pyetje dhe u përgjigj menjëherë: “ndoshta ju dini diçka që unë nuk e di, sepse unë nuk po bëj fustanin.”
Duke u mbështetur në thashethemet se ajo është stilistja e fustaneve mbretërore moderatori i emisionit i përsëriti disa herë këtë pyetje Victorias. Megjithatë ajo insistoi se asgjë nuk është e vërtetë madje ka thënë se do të dëshironte shumë që të ishte e vërtetë. Më tej ajo ka shtuar se së bashku me bashkëshortin e saj, David Beckham, kanë siguruar një ftesë për dasmën mbretërore që do të realizohet në muajin maj. /revistawho.com
