Një deklaratë e rëndë ka ndezur një debat të ashpër në Big Brother VIP, duke kaluar kufijtë e lojës dhe duke u kthyer në përplasje personale. Gjatë diskutimeve për Selinën, Gimbo iu drejtua Mirit me fjalën “pedofil”, një akuzë që tronditi studion dhe publikun. Më pas ai kërkoi ndjesë publikisht, duke thënë:
“Më vjen keq për fjalorin që kam përdorur. Ndoshta kam qenë i nxehur. Ndoshta është jo fjalë e duhur”, por tensioni nuk u zbut.
Miri reagoi prerë, duke refuzuar faljen: “Jo, jo, mashtrim nuk bën dot. Mos e mashtro këtë situatë se del ti shumë keq. Atë fjalë unë nuk e kam thënë”. Madje ai shtoi se sulmi ka qenë i qëllimshëm:
“Nuk e pranoj faljen për këtë gjë se e ke thënë fjalën me qëllim që të dal nga vetja dhe të reagoj”. Në një moment tjetër, ai u shpreh:
“Më vjen turp kur i shoh ato pamje, nuk e kuptoj çfarë problem ka me mua kur flet vetëm për Selinën”.
Në mes të përplasjes, Selina reagoi duke e cilësuar situatën “shumë qesharake”. Miri nuk ka faj se edhe kur u bë tema e incestit, unë e kam mbrojtur. Në këtë rast nuk pata mundësinë ta mbroja se nuk kemi më të njëjtën marrëdhënie”, u shpreh duke theksuar se fjala e Gimbos ishte e gabuar. Ndërkohë, Miri deklaroi se, pavarësisht gjithçkaje, “Selinën e admiroja për mënyrën sesi përgjigjej”, duke i shtuar debatit një dimension edhe më kompleks emocional.
