Doa, e cila dëshiron të festojë ditëlindjen e Fatih, i vjen një ide kur kupton se nuk mund ta bëjë këtë në shtëpi. Alev gjithashtu do ta ndihmojë atë në këtë drejtim. Fakti që Fatih blen një hotel pa u konsultuar me askënd e zemëron shumë Abdullahun. Pas koncertit special që dha në park, Umut do të ketë një tjetër surprizë për Nursemën. Një lajm që e gëzon shumë Nursemën është se ajo do të mund të marrë pjesë në një ekspozitë me veprat e saj të kaligrafisë. Lajmi se Fatih bleu një hotel të përbashkët me të atin nuk e gëzon Doan. Edhe Këvëllxhëm, me të cilën ndan këtë lajm, bëhet shumë nervoze. Ndërkohë Këvëllxhëm është në rrezik të madh nga burri i gruas që ajo shpëtoi. Falë Omerit, ajo i mbijeton sulmit. Fatih del nga shtëpia gjatë përleshjes me Doan dhe kjo e fundit kur e ndjek, e sheh duke hyrë në shtëpinë e një gruaje. Ajo kthehet në shtëpi dhe mbledh gjërat e saj, këtë herë është e vendosur dhe nuk do të qëndrojë pranë Fatihut. Me ndërhyrjen e Pembes dhe Abdullahut, çështja zbardhet, Fatihu ka shkuar në shtëpinë e shokut të tij, jo te një grua. Të dy pajtohen. Fakti që Nursema do të marrë pjesë në ekspozitë e bën Pemben shumë nervoze. Pembe, e cila mendon se është e nevojshme që Nursema t’i japë fund sjelljes së saj të turpshme, fillon të flasë për martesën, për të cilën nuk ka insistuar shumë deri më sot. Alev fillon të ndikohet nga forca dhe karizma e Abdullahut. Një darkë në shtëpinë e Këvëllxhëm i bashkon të gjithë, por dallimet mes dy familjeve janë të qarta si kurrë më parë. Një faqe krejt e re do të hapet për Këvëllxhëm dhe Omer, të cilët do t’i dorëzohen dashurisë.
