Pas hyrjes së shumëpërfolur në shtëpinë italiane të “Grande Fratello”, Dolce po krijon bujë jo vetëm në Itali, por edhe te publiku kosovar. Banorja e BBVK, që mbrëmë tërhoqi vëmendjen me prezencën e saj, sot ka hapur një kapitull të ri debati me sqarimet rreth jetës së saj sentimentale.
Sapo u pyet nga banorët e shtëpisë italiane për historinë që publikua gjatë qëndrimit të saj në Big Brother Vip Kosova, Dolce nuk la vend për dyshime. Ajo deklaroi prerë se “nuk është në lidhje”, duke mohuar çdo romancë të supozuar me ish-partnerin nga BBVK.
E megjithatë, momenti që ndezi rrjetin erdhi kur Dolce u nxor sërish përballë pyetjes së famshme: a ka ndjenja brenda shtëpisë? Përgjigja e saj ka sjellë reagime të menjëhershme.
“Kam një lloj afërsie me dikë, por jo pëlqim romantik. S’kam dashuri ose lidhje me askënd në BBVK,” tha Dolce.
Me këtë deklaratë ajo i la të gjithë pezull, ndërsa në fund e mbylli me një sqarim edhe më të drejtpërdrejtë: nëse do i pëlqente dikush me të vërtetë, nuk do të fshihej por aktualisht, siç theksoi, “askush nuk është tipi im”.
Hyrja e saj në “Grande Fratello” ndoshta pritej të sillte drama të reja, por tani duket se Dolce ka zgjedhur të pastrojë njëherë e mirë gjithë thashethemet para se të fillojë lojën e vërtetë.
