Pas përjashtimit të bujshëm nga “Big Brother VIP Albania 5”, përmes zarfit të zi, Keijsi ka bërë reagimin e tij të parë publik, duke ndarë mendimet dhe ndjesitë pas largimit nga shtëpia më e komentuar në vend. Vendimi i produksionit u konsiderua një nga më të fortët e këtij sezoni, duke ndezur diskutime të shumta mes publikut.
Ish-banori ishte i ftuar në emisionin “Shqipëria Live”, ku u shpreh i qartë se nuk ndjen pendesë për sjelljen apo veprimet e tij gjatë qëndrimit në lojë. Ai theksoi se çdo reagim ka qenë i vetëdijshëm dhe në përputhje me bindjet e tij personale.
Gjatë intervistës, Keijsi iu përgjigj edhe pyetjeve që lidhen me situatën që çoi në zarf të zi, duke sqaruar se qëndrimi i tij lidhej me respektin dhe mënyrën e komunikimit.
Pjesë nga intervista:
A mendon që u nxite?
“Jo, nuk jam nxitur, por mënyra se si iu drejtua një mashkull një femre nuk ishte e drejtë, një mashkull nuk mund t’i drejtohet një femre ashtu.”
Kur hyri zarfi i zi në shtëpi, e kuptove që është për ty?
“E dija.”
Je penduar?
“Jo.”
A mund të kishe bërë diçka ndryshe?
“Jo, e kam bërë çdo gjë me koshiencë. Kam bërë si e kam ndjerë që nga dita e parë deri në fund.”
E shijove eksperiencën?
“Shumë, jashtë mase shumë, një mundësi që të vjen një herë në jetë. Je në izolim, por jo tamam në izolim.”
A u mërzite që dole me zarf të zi?
“Që dola po, jo me zarf të zi.”
Me këtë reagim, Keijsi duket se mbyll kapitullin “BBVA” pa keqardhje, duke e konsideruar eksperiencën si një përvojë unike, pavarësisht mënyrës së largimit.
