Kryeministri anglez Boris Johnson , i cili 10 ditë më parë u konfirmua pozitiv me COVID-19 është shtruar në spital.
Ai u dërgua në një spital në Londër të dielën në mbrëmje me “simptoma të vazhdueshme”, përfshirë temperaturë. Thuhet se është një “hap paraprak” i marrë me këshillën e mjekut të tij. “Ky është një hap paraprak, pasi Kryeministri vazhdon të ketë simptoma të vazhdueshme të koronavirusit dhjetë ditë pas testimit pozitiv për virusin. Kryeministri falënderon stafin e NHS për të gjithë punën e tyre të jashtëzakonshme dhe i kërkon publikut të vazhdojë të ndjekë këshillat e qeverisë për të qëndruar në shtëpi, për të mbrojtur NHS dhe për të shpëtuar jetë“, tha përfaqësuesi i zyrës së kryeministrit.
Johnson prej më shumë se një jave ishte vetëkarantinuar në shtëpi, pasi u infektua nga koronavirusi. Edhe bashkëshortja e tij shtatzënë ndodhet ne vetëkarantinim dhe me simptoma të lehta koronavirusi.
