Jehona e personazheve të “Big Brother Albania” vazhdon ende edhe pas shumë muajve nga përfundimi i këtij reality show.
Këtë herë kanë qenë dy nga banoret e shtëpisë më të famshme në Shqipëri që kanë tërhequr vëmendjen e publikut. Bëhet fjalë për Donën dhe Ambrën, të cilat mesa duket janë konfliktuar me njëra- tjetrën për një mashkull.
Ka qenë Ambra e para e cila ka publikuar në “Instagram” një status ku shkruan: “Të kisha shoqe që nga jashtë dhe nuk prisja nga ty këto gjeste, jam e surprizuar nga ti dhe nga aktrimi jot. Bravo vazhdoni kështu siç jeni, e treguat fytyrën kush jeni”. Ndërkohë që Dona ka reaguar shumë shpejt duke iu përgjigjur ish- mikeshës. “Shoqeee??? Fjalë e madhe për tu thënë, po mbylle gojën se dukesh më e bukur”- ka shkruar Dona. Duket se situata midis dy ish-banoreve është tepër e komplikuar, por të jetë një konflikt real apo një përpjekje e vajzave për të tërhequr vëmendjen? Këtë do e tregojë koha.
