Donatella Versace është larguar nga posti i drejtoreshës kreative pas 28 vitesh në krye të shtëpisë italiane.
Ajo ka mbajtur postin që nga viti 1997 dhe e ka marrë detyrën pas vrasjes së vëllait të saj Gianni. Versace ka mbikëqyrur qindra fushata të modës për markën italiane. 69-vjeçarja do të zëvendësohet nga Dario Vitale, i cili është një ish-drejtor dizajni për Miu Miu, dhe do të marrë një rol të ri ambasador të markës.
“Mbështetja e gjeneratës së ardhshme të stilistëve ka qenë gjithmonë e rëndësishme për mua. Jam e lumtur që Dario Vitale do të bashkohet me ne dhe mezi pres të shoh Versace-n përmes një perspektive të re. Dua të falënderoj ekipin tim të jashtëzakonshëm të dizajnit dhe të gjithë punonjësit e Versace-s me të cilët kam pasur privilegjin të punoj për më shumë se tri dekada.
Ka qenë nderi më i madh i jetës sime të vazhdoja trashëgiminë e vëllait tim, Gianni-t.
Ai ishte një gjeni i vërtetë, por shpresoj që unë të kem një pjesë të shpirtit dhe këmbënguljes së tij.
Në rolin tim të ri si ambasadorja kryesore e markës, do të mbetem mbështetësja më e zjarrtë e Versace-s. Versace është në ADN-në time dhe gjithmonë në zemrën time.”
Donatella Versace
