Nëse vërtetë jeni miq të ngushtë, duhet patjetër të bëni tatuazhe të njëjta për ta treguar këtë. Disa nga VIP-at janë ‘betuar’ për dashurinë e tyre ndaj miqve pikërisht në këtë mënyrë dhe ‘Cosmopolitan’ ka sjellë disa ide bazuar te VIP-at.
- Kendall Jenner dhe Hailey Baldwin
Kendall Jenner dhe Hailey Baldwin janë mikesha të ngushta prej një kohe të gjatë tashmë dhe këtë e shprehin gjithmonë. Kendall dhe Hailey kanë 2 tatuazhe të njëjta, një zemër të thyer dhe një tatuazh që shkruan fjalën ‘PRAY’ (lutu).
- Kylie Jenner dhe Jordyn Woods
Kylie dhe Jordyn janë shoqe që në fëmijëri dhe në çdo vend që shkojnë, janë gjithmonë bashkë. Sigurisht, nuk mund të mungonin tatuazhet e përbashkëta. Mikeshat kanë tatuazh shkronjën ‘M’, por ende nuk e kanë shpjeguar se çfarë kuptimi ka ajo për të dyja.
- Zayn Malik dhe Louis Tomlinson
Në kohët kur ende ekzistonte grupi ‘One Directon’ të gjithë pjesëtarët e saj kishin një marrëdhënie shumë të ngushtë me njëri-tjetrin. Megjithatë, të vetmit të kishin bërë tatuazhe të njëjta ishte Zayn Malik dhe Louis Tomlinson. Gjatë një interviste ato zbuluan se kishin 3 të tillë.
- Maisie Williams dhe Sophie Turner
Aktoret Maisie Williams dhe Sophie Turner janë shumë shoqe të ngushta në jetën reale. Ato kanë bërë një tatuazh datën 07.08.09, që sipas tyre, është dita kur morën vesh se ishin pranuar në kastin e ‘Game of Thrones’.
- Kasti i ‘Pretty Little Liars’
Pas sezonit të fundit të ‘Pretty Little Liars’, 5 protagonistet vendosën të bënin tatuazhe të njëjta. Të gjitha bënë në gishtin tregues shkronjën e parë të emrit që kishin në serial.
- Nick Jonas dhe Joe Jonas
2 nga vëllezërit Jonas kanë vendosur të bëjnë një tatuazh të njëjtë. Në pjesën e mbrapme të krahut, ato kanë 2 shigjeta që drejtohen nga njëri-tjetri. Ende nuk dihet se pse Kevin Jonas nuk i është bashkuar grupit.
- Cara Delevingne dhe Jourdan Dunn
Përveç marrëdhënies së tyre, modelen Cara dhe Jourdan i lidh edhe shkronja e parë e mbiemrit. Kështu që dyshja ka vendosur të gdhendë ‘DD’ në trupin e tyre.
- Selena Gomez, Tommy Dorfman dhe Alisha Boe
Në nder të filmit ’13 Reasons Why’ dhe të personave që vuajnë nga problemet psikologjike dhe varësia ndaj drogërave apo alkoolit, Selena bashkë me 2 aktorët kanë vendosur të bëjnë tatuazh simbolin ‘;’./revistawho.com
