Të gjithë e kemi menduar qoftë edhe një herë të vetme mundësinë për të vizituar Parisin e bukur, e për të shijuar detajet e të ashtuquajturit qyteti i “dashurisë”. Por përpara se të nisesh për në një vend kaq të madh është shumë e rëndësishme të informohesh më parë.
E kush më mirë se këngëtari dhe kantautori Pirro Çako i cili ka jetuar 17 vite aty, mund të na këshillonte se çfarë të bëjmë dhe çfarë jo në qoftë se shkojmë në Paris? I ftuar në emisionin “Pasditja Ime” në “RTSH”, Çako ka dhënë disa këshilla për të gjithë ata që kanë në plan të shkojnë në Paris.
“Këshilla e parë që do u jepja është të kontrollojnë motin përpara se të nisen. Kush viziton Parisin duhet të shkojë patjetër në ditë me diell, sepse aty kur koha prishet vazhdon e tillë për ditë të tëra. Së dyti, rekomandoj të marrin makinë me qera për të lëvizur në qytet sepse është më ekonomike sesa të lëvizësh me mjetet e transportit që përdoren aty. Së treti, informohuni, pasi egziston një agjenci udhëtimi që ka çmime shumë ekonomike dhe ka fluturime tre herë në javë”- tha këngëtari.
Nga ana tjetër Pirro këshilloi ecjen në këmbë për të parë sa më shumë nga bukuritë që të ofron Parisi. “Mundohuni të lëvzni sa më shumë në këmbë sepse në këtë mënyrë do të shijoni gjithë bukuritë e këtij vendi, por mund të zgjidhni edhe lundrimin me varkë për të parë siluetën e qytetit e cila është e mrekullueshme.”- këshilloi Çako.
Këngëtari ka dhënë disa informacione praktike që çdo kujt do t’i hynin në punë në qoftë se janë duke u përgatitur të fluturojnë për në Paris.\revistawho.com
https://www.youtube.com/watch?v=XRzJnZehxqw
