Motrat Kardashians influencojnë me gjithçka, duke nisur nga veshjet, pamja e jashtme apo ndërhyrjet estetike.
Shembulli i fundit është një fanse që u përpoq të kishte të njëjtat të pasme si Kim, por operacioni i saj ishte aq i ndërlikuar sa desh vdiq.
Ajo shpenzoi 10 mijë euro për një operacion të pasmesh për t’u dukur si Kim.
Teksa e ka komentuar në rrjetet e saj sociale këtë rast, influencuesja Rachel Vasquez tha se ky ka qenë një prej vendimeve më të këqija në jetë.
Ajo ka theksuar se në moshën 23-vjeçare ka kursyer një shumë të madhe parash për t’iu nënshtruar një BBL, e njohur edhe si ngritja braziliane e vitheve.
Ky operacion konsiston në rritjen e madhësisë së vitheve falë një liposuksioni të mëparshëm për të shtuar yndyrën e trupit që shpërndahet në zonën e pasme të pacientit.
Velasco rrëfeu se për shkak të presionit që kishte për t’u dukur si Jennifer Lopez apo Kim Kardashian, nuk u kujdes sa duhej që t’i nënshtrohej operacionit në përputhje me të gjitha rregullat shëndetësore.
Ajo u operua nga një kirurg i cili nuk kishte një certifikatë nga shoqata zyrtare mjekësore, duke bërë që të rrezikonte jetën. E reja tanimë e rrëfen historinë e saj për të frymëzuar vajzat dhe gratë.
