Fundjavat me diell janë frymëzuese. Teksa të premten mbyll një javë pune, organizon dy ditët e arta të fundjavës, për të larguar prej vetes stresin dhe për t’i dhënë kohë asaj që më së shumti ka rëndësi, familjes. Kështu, duke soditur orët me diell, në parkun “Rinia” sytë na zunë edhe kryetarin e Bashkisë së Tiranës, Erion Veliajn. Kapur dorë për dore me të birin, Kajanin.
Për vogëlushin, ky vit do të jetë i veçantë, pasi më 6 tetor feston 5-vjetorin e tij. Kryebashkiaku Veliaj, në daljet e tij televizive ku ka folur për të birin, ka theksuar marrëdhënien e ngushtë që ka me të.
Pranvera nuk vjen me një lule, vjen me ecejaket në parqet e kryeqytetit, me buzëqeshjet e fëmijëve e të rriturve, me ditët e diellta që ta mbushin shpirtin, pranvera vjen me kujtimet që krijojmë.