Fituesja e spektaklit “Dancing With The Stars” ka zbuluar në një intervistë për GSH projektet e saj aktuale. Ajo po bashkëpunon me disa investitorë nga Katari për krijimin e një uji dobësimi. Dorina Mema ka folur edhe për personazhet shqiptarë, që duhet t’i kushtojnë rëndësi trupit.
Kë VIP do të donte të trajnonte Dorina?
Shumë shpejt do të kem Ponin, e cila ka një konstrukt shumë të ngjashëm me timin; më pas do të jetë Ingrit Gjoni bashkë me Çiljetën.
Ndonjë që nuk e ke, por që do të doje ta sillje në formë?
Enca, do doja ta prisja me gërshërë. E kam halë në sy atë dhjamin e saj. E kam shumë të thjeshtë që ta dobësoj.
Dorina aktualisht i është përkushtuar biznesit të saj, por zbulon edhe ambiciet që ka për t’i hyrë politikës. Më shumë sesa një terren i ri për t’u zbuluar, kampionia shqiptare e fitness-it e sheh politikën si një mundësi për të ndryshuar qytetin e saj, Krujën.
