Dorina Mema është një nga femrat më të bukura shqiptare. Por, ajo u vërejt edhe nga objektivët e aparateve fotografikë dhe fotot e saj ‘pushtuan’ mediat më të mëdha në botë, duke u cilësuar si një nga tifozet më seksi në ndeshjen e mbrëmshme mes Shqipërisë dhe Francës. Në një intervistë për Indeksonline, ajo ka treguar për ndjenjën e të qënurit në ballinat e këtyre mediave prestigjioze e sidomos duke u vlerësuar për bukurinë e saj. “Çdo femër do ishte ndjerë mirë të shikojë veten në faqet e gazetave me prestigjioze e fotografuar mes 50.000 tifozëve. Pasi del nga stadiumi me veshët ulur dhe mërzitur. U çudita sepse isha në një vend që duhej të çohesha në këmbë për të parë ndeshjen dhe se kuptoj ku me kishin spikatur”, ka thënë ajo duke qeshur. E pyetur se përse pikërisht ajo ishte vërejtur nga fotografët, me shumë modesti Dorina thotë se ajo është vërejtur pasi flamuri shqiptar ia shtoi bukurinë. “Unë nuk jam e bukur, flamuri më shtoi bukurinë pasi ne kemi flamurin më të bukur në botë. Ndoshta i ka tërhequr vëmendjen tifozeria ime e çmendur, ekipi bëri një lojë të shkëlqyer dhe tifozeria shqiptare aq emocionuese me daullet dhe thirrjet çdo sekondë, e meritonte një gol. Vura re që shumica e tifozëve shqiptarë ishin nga ata që jetonin në Diasporë, imagjino çfarë gëzimi do ishte për ta një fitore me Francën”, janë fjalët e saj. Gjithashtu Dorina ka folur edhe për eksperiencën që nga ndeshja e parë e Shqipërisë dhe ka treguar se me vete ka marrë edhe topin që i kishte rënë në duar. Bukuroshja shqiptare nuk ka hezituar të tregojë edhe për faktin se si e pa ajo ndeshjen dhe si do duhej të luhej. “Më trishtoi goli i dytë, m’u kujtua një ndeshje në Elbasan pasi unë Kombëtaren e ndjek gjithmonë. Kam vënë re që loja e ekipit tonë është mbrojtëse dhe kurrë sulmuese. Ndoshta ndodh që mungon një element talenti në sulm ose na bien ndeshjet me ekipe të mëdha të cilët sulmin e kanë të ndërtuar mirë. Minutat e fundit ata duhet te ngritnin mur për sulmin kundërshtar sepse barazimi na ndihmonte për kualifikim, shanset rriteshin dhe stimuli i lojtareve që arrijnë të thyejnë xholat shume milionësh si Pobga të cilët janë ajka e futbollit botëror, do i çonte përpara për ta mundur Rumaninë. Për mendimin tim lojtari më i mirë i mbrëmshëm ishte Arlind Ajeti” ka shtuar ajo. Në fund Dorina lavdëroi tifozerinë shqiptare dhe tha se është shumë krenare me ndjenjën të qënurit shqiptare./Indeksonline
