Dorina Mema tregon pushimet më të tmerrshme të jetës së saj

Dorina Mema, e njohur për dashurinë që ka për fitness-in dhe trupin e gdhendur në perfeksion ka treguar se cilat kanë qenë pushimet më të tmerrshme për të.
E ftuar në emisionin “Why not” të Roza Latit, Dorina ka treguar se regjimi që mban dhe heqja dorë nga veset si alkoli apo cigarja e kanë bërë të ndihet disi e mënjanuar nga shoqëria në daljet me ta.
Por ajo ka treguar se pushimet më të tmerrshme kanë qenë ato me vajzën e saj dhe Roza Latin në jug, pasi ato nuk ushqeheshin shëndetshëm.
“Kërcisnin byreqet që në mëngjes, pica gjatë gjithë kohës, birra që unë nuk ua duroj dot as erën” – ka treguar Dorina.
Dorina Mema sapo është kthyer nga një udhëtim në Tanzani dhe eksperienca e ngjitjes në Kilimanxharo.